HONG WILAHENG AWIGENAM ASTU
NAMASIDHEM
ANA RATU SUDIBYA PRANATENGRAT
PRAMUDITYA.MANTRA – MANTRA WETAN HANGENDANU KILEN.REP – REP SURUP HYANG
PRATANGGAPATI,KILEN PINAYUNGAN ASTA – GANGGA -
WIRON – TANU.ASTA TEGESIPUN TANGAN,GANGGA BANYU,WIRA PAPAN,TANU
TEGESIPUN TULIS.SEPUH PUNDI TA PAPAN KALIYAN TULIS.SAWENEH WONTEN INGKANG
HAMASTANI SEPUH PAPAN,SAWENEH WONTEN INGKANG HAMASTANI SEPUH TULIS.YEN DHALANG
HAMASTANI PAPAN LAN TULIS TAN PRABEDA.DENE DHALANG TEGESIPUN NGUDAL
PIWULANG INGGIH NGUDAL KANDHA KANG WUS
ILANG,YEKTINE ANGGELAR SURAOSING WEDHA SEKAWAN INGKANG WINASTAN :
SETUNGGAL :WEDHA PARAMAYOGA
KALIH : WEDHA PUSTAKARAJA
TIGA : WEDHA PURWAKANDHA
SEKAWAN :
WEDHA MAHABARATA
WEDHA SEKAWAN PUNIKA MENGKU SURAOS,
HA-NA-CA-RA-KA DUMUNUNG SISIH WETAN, DA-TA-SA-WA-LA SISIH KIDUL,
PA-DHA-JA-YA-NYA SISIH KILEN, DENE LER MA-GA-BA-TA-NGA.
PURWANING CARIYOS HAWEWATON KANDHA-
BUDHA – PURWAKA.KANDHA MARANG CARITANE,BUDHA MARANG ASALE, PURWAKA MARANG
KAWITANE.PRAMILA SAMANGKYA SAMI AMASTANI PERANG BUDI KANG TETELA KARIYA LASING
TABET INGKANG AWUJUD GAMBAR RINEKA JALMA INGGIH WINASTAN WAYANG.
WAYANG PINANGKA PRALAMPITA
WEWAYANGANING GESANG SARTA GEGAMBARANING PAKARTI SAE LAN PAKARTI AWON.KANG
MAKARTI SAE BADE NAMPI NUGRAHA DENE KANG MAKARTI AWON BADE NAMPI PIDANA.WAYANG
KAWINE RINGGIT, TEGESIPUN KARIPTA MIRING SARANA DEN ANGGIT.
SAYEKTI ANGGITANIPUN PARA PUJANGGA LINANGKUNG
DUK ING UNI KALEBET KANJENG SUNAN KALIJAGA.
GUMELARING JAGAT RAYA YEKTI WONTEN
JAMAN AGENG TIGANG PREKAWIS, INGGIH PUNIKA :
SETUNGGAL
: JAMAN TIRTAYOGA
KALIH : JAMAN DWAPARA
TIGA : JAMAN SENGARA
SANADYAN JAGATING MANUNGSA UGI AMUNG
TIGANG PREKAWIS INGKANG WINASTAN :
SETUNGGAL
: GURULOKA
KALIH : ENDRALOKA
TIGA : JANALOKA
SANADYAN JAMAN TETIGA HAMUNG SAJUGA
INGKANG MINANGKA WEWATON, ANENGGIH JAMAN TIRTAYOGA.MARMA SINEBAT JAMAN
TIRTAYOGA , AWIT JAGAT INGKANG GUMELAR TAKSIH NGAWANG – UWUNG, TAN WONTEN TITAH
ANENG MARCAPADA. HAMUNG WONTEN WEWARNEN CATUR WARNA, INGGIH PUNIKA :SURYA,
CANDRA, KARTIKA LAN BAWANA.
GANTYA INGKANG CINARITA HANENGGIH
DALU PUNIKA NEGARI PUNDI TA INGKANG KAEKA ADI DASA PURWA.EKA MARANG SAWIJI, ADI
LINUWIH DASA SEPULUH ,PURWA MARANG WIWITAN.SANADYAN KATHAH TITAHING DEWA
INGKANG KAUNGKULANING AKASA , KASANGGA ING PRATIWI, KAAPIT ING SAMODRA, KATHAH INGKANG SAMYA HANGGANA RARAS, HANANGING TAN
KADI NEGARI…………..LSP